ഉടുപ്പിന് വേണം കുടുക്ക്
ഉഴപ്പിന് വേണം കുരുക്ക്.
അടി തന്നെ പൊളിഞ്ഞാല് പിന്നെ
എന്ത് അടിപൊളി?
തുഴക്കാരനെയും
തുണക്കാരനെയും
പിണക്കരുത്
സുലോചനയായിട്ടെന്തു കാര്യം
ആലോചനയില്ലെങ്കില്
വല്ലഭനായില്ലെങ്കിലും
നല്ലവനാവുക
അന്തമുള്ളവരോടാവാം വേദാന്തം
അന്തമില്ലാത്തവരോടരുത-
വര്ക്കത് വെറുമൊരു കുന്ത്രാണ്ടം !
മണ്ണിലും പെണ്ണിലും കണ്ണ് വേണം
പ്രായം നോക്കിയേ
അഭിപ്രായം പറയാവൂ..
ഗ്രാമര് പാലിക്കണം
ഗ്ലാമര് പരിപാലിക്കണം
കുടിയേറുന്നതു പോലെയല്ലല്ലോ
കുടി ഏറുന്നത് ?
ചട്ടമുണ്ടായിട്ടെന്ത്
ചിട്ടയില്ലെങ്കില് ?
പണ്ട് അയല്ക്കാര്
ഇന്ന് അയലത്ത് ആര്?
എഴുതിയത് ഉസ്മാന് ഇരിങ്ങാട്ടിരി
0 comments:
Post a Comment